إله وقولتوا اتولد ؟؟
وقال ايه فى مزود كمان ؟؟
طب بس ازاى أصدق
ده اكيد كلام خرفان
كنتو سألتوا زمان
وقت ابراهيم ماكان
حفظ الوعد بايمان
ده وعده صادق وامين
اتنين اتولدوا بوعد
مع اختلاق الموعود
الاول كان ل انسان
والتانى لشعبه يهود
الاول كان ضاحك
من امه ساراى العاقر
والتانى كان مخلص
ولكل اثامنا غافر
الضاحك كان اسحاق
بولادة اعجازية
والتانى هو يسوع
خلص كل البشرية
وجيه وقت الخلاص
لكل واحد فى الاتنين
الاول تم خلاصه
والتانى نفذ وعده
الاول شال الحطب
مع ابوه 3 ايام
والتانى شال صليبه
على ضهره بالتمام
الاول كان حيموت
بعد الوعد الطويل
والتانى راح للموت
بقصده وهدفه النبيل
وفجأة ظهر ملاك
ايوه ده جيه من هناك
ونادى ابراهيم وقال
اوعى تمد يداك
فرح ابراهيم من جوه
ما هو ده العادى فى الابوة
ورجع مع اسحاق ل ساراى
والوعد اتجدد فى البنوة
والتانى زى الاول
كان حيموت فى الحال
يالا اظهر يا ملاك
وانقذه من الهلاك
ولا ظهر ملاك ولا حاجة
ده وعد ولازم يتحقق
مات الرب وفدانا
وساعتها كان لازم اصدق
ان اله فعلا اتولد
و فى مزود زى ما قالوا
!!!
No comments:
Post a Comment